Նա շրջապատողներին զարմացնում է իր կյանքի առաջին րոպեներից:Բանն այն է, որ աղջիկը խիտ մազերով է ծնվել: Հիմա գեղեցկուհին 11 ամսեկան է, նա ավելի շատ մազ ունի, քան հայրը: Այս երեխան հիացնում է անծանոթներին փողոցում:
Բժիշկները ծնողներին զգուշացնում էին, որ փոքրիկն առատ մազերով կծնվի, բայց հավանաբար չէին էլ ենթադրում,որ մազերն այդքան շատ կլինեն: «Մենք կարծում էինք,որ մազերը կբարակեն,երբ Ջորջին մեծանա: Իսկ հիմա տեսնում ենք, որ դրանք աճում և ամրանում են»,— ասում է Քլերը՝ հրաշք-փոքրիկի մայրը:
Զբոսնելիս Ջորջին շատ ուշադրություն է գրավում: Որոշ մարդիկ կարծում են, որ նրան պրոֆեսիոնալ սանրվածք են անում: Քլերը կարծում է, որ այդպիսի մազերը փոքրիկը հայրական կողմից է ժառանգել: Այդ ճյուղի հարազատները լավ մուգ գույնի մազեր ունեն:
«Երբ Ջորջին արթնանում է, բավական ժամանակ է պետք նրա մազերը սանրելու համար»,— նշում է մայրը: Բարեբախտաբար, աղջկան սանրվելը դուր է գալիս: Մինչև հիմա փոքրիկի մազերը ոչ մի անգամ չեն կտրել, բայց նրա ծնողները մտածում են այդ մասին:
