Չգիտեմ, թե ինչ անեմ…խնդրում եմ, օգնեք…Ես ու ընկերս որոշեցինք ամուսնանալ: Նա չէր ցանկանում շքեղ տոնակատարություն:
Առաջարկեց ուղղակի գնալ ՔԿԱԳ (զագս) և վերջ:
Բայց ես շատ էի ուզում հարսի շոր հագնել, հրավիրել մեր գոնե ամենամտերիմ հարազատներին և ընկերներին:
Սկսվեցին նախապատրաստական աշխատանքները: Ես սկսեցի ամեն ինչ ինքնուրույն կազմակերպել:Որոշեցի ապագա ամուսնուս անակնկալ մատուցել: Ծախսեցի իմ ամբողջ խնայողությունը, հրավիրեցի նաև ընտրյալիս ընկերներին և կոլեգաներին:
Ահա եկավ երկար սպասված օրը: Մենք գնացինք ՔԿԱԳ, որտեղ մեզ արդեն բոլորը սպասում էին:
Տեսնելով դա՝ ընկերս բարկացավ, սկսեց բոլորի ներկայությամբ ինձ հետ վիճել: Իսկ հետո ուղղակի դուրս եկավ…Ես արտասվում էի, զանգում նրան, որ բացատրեմ, բայց նա հասցրել էր համարս սև ցուցակ գցել:
Այդ դեպքը եղել է 2 շաբաթ առաջ, նրանից ոչ մի տեղեկություն չունեմ:Չի զանգում, չի հետաքրքրվում: Մեր ընդհանուր ընկերները նույնպես ոչինչ ինձ չեն պատմում:
Ես գիտեմ, որ սխալ եմ վարվել: Բայց չէ որ դա ընդամենը անակնկալ էր:
Խնդրում եմ, մի խորհուրդ տվեք:
