Այն կանանց մոտ, ովքեր միգրեն ունեն, 3 անգամ մեծ է սրտային հիվանդությունների առաջացման հավանականությունը:
Ամերիկացի գիտնականները հետազոտել են 25 հազար կնոջ առողջական վիճակը և կապ հայտնաբերել միգրենի, սրտային հիվանդությունների և գենետիկական որակափոխման (սրանով տառապում է աշխարհի բնակչության 11%-ը) միջև:
Գենն ինքնին սիրտ-անոթային համակարգի վրա որևէ կերպ չի ազդում, սակայն եթե կինը ժառանգել է այդ գենը և միևնույն ժամանակ տառապում է միգրենով, ապա սրտային հիվանդությունների առաջացման հավանականությունը կտրուկ մեծանում է:
Գիտնականները միգրենով տառապող կանանց խորհուրդ են տալիս հրաժարվել ծխախոտից և հակաբեղմնավորիչ հաբերից: Այսպիսով նրանք կարող են նվազեցնել սիրտ-անոթային համակարգի աշխատանքի ծանրաբեռնվածությունը և սրտային հիվանդությունների առաջացման հավանականությունը:
