Յուրաքանչյուր իրեն հարգող կին փորձում է մշտապես հետևել սեփական արտաքինին․ խնամել մազերը, մաքրել և խոնավեցնել մաշկը, օգտակար սնունդ օգտագործել։ Բայց որքան էլ որ ջանանք, հաճախ տգեղ այտուցներն ու աչքերի տակ պարկերն ամեն ինչ փչացնում են։Այդ տհաճ խնդիրը կարող է ունենալ հարյուրավոր պատճառներ․ անքնություն, քնելուց առաջ մեծ քանակությամբ ջրի օգտագործում, ալերգիա, ալկոհոլի օգտագործում, շոգ․․․
Պարզվում է, որ այս երևույթի դեմ կարելի է պայքարել պարզ և բնական միջոցի շնորհիվ, որի համար պահանջվող բաղադրիչները, հավանաբար, հիմա կան ձեր տանը։
Ըմպելիքի համար անհրաժեշտ է․
- 1 կապ մաղադանոս
- 1 գազար
- 1 բարինջ
- 0,25 կիտրոն
- 1ճ․գ․ կտավատի սերմ
- 100-150մլ ջուր
Ինչպես պատրաստել․
Քամել նարինջի և կիտրոնի հյութը, լցնել բլենդերի մեջ։
Մաքրել և մանր կտրատել գազարը, լվանալ և մանրացնել մաղադանոսը։ Բաղադրիչները լցնել բլենդերի մեջ, ավելացնել կտավատի սերմերը և մաքուր ջուր։Հարել՝ մինչ միասեռ հեղուկ կստացվի։ Ստացված զանգվածը քամել և լցնել բաժակի մեջ։
Խմել ըմպելիքը անմիջապես պատրաստելուց հետո։ Շաքարավազ ավելացնել պետք չէ, քանի որ դա կնվազեցնի միջոցի օգտակարությունը։ Խմել օրական 1 անգամ։
Ըմպելիքը 1 շաբաթ կիրառելուց հետո կտեսնեք հիանալի արդյունք։ Սա կօգնի հաղթահարել ոչ միայն այտուցվածությունը, այլև պայքարել ավելորդ քաշի դեմ։ Բացի այդ, ըմպելիքը օգնում է երկար ժամանակով մոռանալ քաղցի զգացումի մասին և ապահովում է հիանալի ինքնազգացողություն։
Ըմպելիքն օգտագործելու հետ մեկտեղ մի մոռացեք առողջ սնվելու և ակտիվ ապրելակերպի մասին։
ԶԳՈՒՇԱՑՈՒՄ․
Այս նյութը նախատեսված է միայն տեղեկատվական նպատակների համար: Տվյալ կայքից ստացված տեղեկատվությունը չպետք է կիրառվի ինքնուրույն (օրինակ, բուժման նպատակներով)։ Եթե դուք ունեք որևէ առողջական խնդիր, խնդրում ենք դիմել մասնագետ բժիշկների։
