Ամանորի սեղանը ավելի գրավիչ է, եթե կան գույների և համերի բազմազանությամբ նախուտեստներ:
Ձեր ուշադրությանն ենք ներկայացնում շատ համեղ ու գեղեցիկ նախուտեստ, որը շատ կգնահատեն Ձեր հյուրերը:
Բաղադրամասեր
500 գրամ խաշած հավի կրծքամիս
200 գրամ պանիր
3 հատ խաշած ձու
100 գրամ հունական ընկույզ
300 գրամ խաղող
աղ և սև պղպեղ
մայոնեզ
Ձևավորման համար անհրաժեշտ է խաշած լորի ձու՝ մի քանի հատ, պանրի կտորներ և մեխակի հատիկներ:
Պատրաստման եղանակը
Միսը և ձվի սպիտակուցները կտրատում ենք, պանիրը քերում ենք քերիչով, իսկ ընկույզը մանրացնում, այս բոլորը խառնում ենք իրար և համեմում մայոնեզով:
Ստացված զանգվածի մի մասը լցնում ենք մատուցվող ափսեի մեջ, գեղեցիկ դասավորում ենք խաղողները, լցնում մնացած մասը: Դեղնուցները մանրացնում ենք քերիչով և ծածկում ուտեստի ամբողջ մակերեսը: Դե մնում է լորի ձվերով մուկիկներ պատրաստել և զարդարել:
Մուկիկներ պատրաստելու համար պարզապես վերցնում ենք խաշած լորի ձուն, պանրի կտորներից ականջներ ենք դնում, իսկ աչքերն ու քիթը մեխակի հատիկներով ենք ձևավորում:
Բարի ախորժակ
Նյութը հրապարակման պատրաստեց 24zham.ru-ն:
